MWALIKO WA HAFLA YA KUJUMUIKA PAMOJA NA WATOTO WANAOISHI KATIKA MAZINGIRA MAGUMU/HATARISHI ILI KUSHEREHEKEA SIKUKUU YA IDD MOSI, 2011

Ndugu,

Rejea muktadha uliobainishwa hapo juu;

Klabu ya Biafra Jogging kwa kushirikiana na 90 Degree Pub ya kinondoni katika kusherehekea sikukuu ya Idd wameandaa hafla ya kuwakaribisha watoto wanaoishi katika mazingira magumu/hatarishi kutoka vituo mbalimbali wilaya ya Kinondoni ili kujumuika nao katika michezo na chakula cha mchana. Lengo la shughuli hiyo ni kuwapa faraja na kuwaonyesha moyo wa upendo watoto hao katika siku hii muhimu na siku nyinginezo.

Hivyo basi, kwa heshima na taadhima tunachukua fursa hii adhimu kukualika rasmi katika hafla hiyo. Shughuli itaanza saa 1 asubuhi hadi jioni na itafanyika katika ukumbi wa 90 ̊ Pub Kinondoni iliyopo mtaa wa Isere Kinondoni ambapo pia ndipo makao makuu ya Biafra Jogging and Sports Club.

Ni matumani yetu kwamba utashiriki nasi na kutoa mchango wako ili kufanikisha shughuli yetu siku hiyo.

Tunakushukuru,

BIAFRA JOGGING AND SPORTS CLUB

………………………………………

MWENYEKITI