KLABU YA MICHEZO YA BIAFRA YAJIPANGA KUWAKABIDHI RASMI BARUA ZA UTEUZI VIONGOZI WAKE JUMAPILI TAREHE 30 SEPTEMBA, 2012

Mwenyekiti mteule wa Klabu ya Michezo ya Biafra Bw. Abdul Mollel anawakaribisha wanachama, mashabiki pamoja na wadau wote kwa ujumla katika hafla ya kukabidhi barua za uteuzi kwa viongozi wote waliochaguliwa katika uchaguzi uliofanyika tarehe 16 Septemba, 2012. Hafla hiyo itafuatiwa na mazoezi ya pamoja ya mbio za polepole zitakazofanyika kuanzia majira ya saa 12:15 asubuhi makao makuu ya klabu 90 Degrees Pub Kinondoni na kuishia hapo hapo klabuni. 

Mwenyekiti mteule wa Biafra Abdul A. Mollel akitoa shukrani kwa wasimamizi wa uchaguzi, wanachama na wadau wote kwa kuweza kufanikisha uchaguzi huo.

Akielezea mazoezi ya mbio za pole pole (jogging) siku hiyo, Mwenyekiti wa Kamati ya Ufundi ya Klabu Mr. Michael Silili alibainisha kwamba mazoezi yataanzia klabuni saa 12:15 asubuhi na kupitia barabara ya Kawawa na kuvuka Moroko kisha barabara ya migombani mpaka hospitali ya Mikocheni hadi viktoria na kukatisha baraba ya kuelekea mwananyamala kisha kupitia barabara ya kwakopa hadi kanisani na kumalizia klabuni kupitia barabara ya Isere.

Mwenyekiti wa Kamati ya Ufundi Michael Silili (Kulia) akiwa na mjumbe wa kamati hiyo Nancy Rafael wakifuatilia jambo kwa makini.

Akimalizia, Katibu Mkuu Mteule Bw. Yahya Poli aliwakaribisha wadau wote hata wale ambao si wanachama kwa mazoezi ya pamoja na baadaue hafla hiyo ya kukabidhi rasmi barua za uteuzi kwa viongozi wa klabu. Kwa wale ambao wanapenda kushiriki basi wanaweza kuwasiliana na katibu huyo kwa namba ya 0715253653.

 WE! WE! MAZOEZI NI AFYA, ACHA KUJIACHIA!

BIAFRA YOUTH FOOTBALL TEAM INAKUOMBA UCHANGIA VIFAA VYA MICHEZO ILI KUENDELEZA VIPAJI VYA SOKA KWA VIJANA

Timu ya vijana ya Biafra inawaomba wadau wote wa michezo uwezeshwaji wa vifaa vya michezo kwa ajili ya kuimarisha vipaji vyao na kulisaidia taifa kwa siku za usoni. Akizungumza baada ya mazoezi ya timu yao katika viwanja vya Biafra Kinondoni nahodha hiyo Hussein Tahidin (pichani chini) alisema timu yao zaidi ya kucheza mpira na kukuza vipaji vyao lakini pia wanapata fursa ya kuwa pamoja kama marafiki na kujiondoa kwenye vishawishi mbalimbali na tabia zisizofaa kwenye jamii. 

Hussein Tahiddin - Nahodha

 Wakibainisha mahitaji yao, nahodha huyo pamoja na wachezaji wenzake wameeleza kwa masikitiko kuwa wanahitaji mipira, jezi, viatu, soksi, koni za mazoezi, nyavu za magoli pamoja na vifaa vingine vya michezo kwa kadri wadau watakavyoona vinafaa kwa wachezaji hao. 

Pia kwa kupitia uongozi wa klabu yao ya Biafra Sports Club vijana hao wanaomba udhamini wa timu yao ili waweze kushiriki mashindano mbalimbali ili waweze kupima uwezo wao.

MDAU! KAMA UMEGUSWA NA MAOMBI YA VIJANA HAWA NA UNGEPENDA KUWASAIDIA, UNAWEZA KUWASILIANA NA KATIBU MKUU WA BIAFRA SPORTS CLUB KWA SIMU +255 715 253 653, BARUA PEPE: biafra.jsclub@gmail.com

MISAADA YOTE ITAKAYOTOLEWA ITATANGAZWA HAPA!

TANZIA TANZIA TANZIA TANZIA

Klabu ya Michezo ya Biafra pamoja na wadau wake wote wanaungana kwa pamoja katika msiba wa mama mdogo wa mwanachama wake Bi. Betty Mdeka ambaye ni mjumbe katika kamati ya Uchumi, Mipango na Fedha ya Klabu.Shughuli za mazishi zinafanyika nyumbani kwa marehemu maeneo ya Sinza Legho na maziko yatafanyika katika makaburi ya Kinondoni tarehe 24 Septemba, 2012.

Bi Happy Mdeka kushoto akiwa na mwanachama wa namanga jogging

Kwa pamoja tunamuomba mwenyezi mungu amtie nguvu mwanachama mwenzetu na pia mwenyezi mungu ailaze roho ya marehemu mahala pema peponi amen!

BIAFRA YAFANYA UCHAGUZI WA VIONGOZI KWA MAFANIKIO

Jumapili ya tarehe 16 Septemba 2012 ilikuwa ni siku ya uchaguzi wa viongozi wa klabu. Uchaguzi huo ulifanyika chini ya usimamizi wa viongozi wa michezo wilaya ya Kinondoni. Kufanikiwa kwa uchaguzi huo ambao ulifanyika katika makao makuu ya klabu, 90 Degrees Pub Kinondoni kulitokana na hamasa ya wanachama kujitolea katika kugombea nafasi mbalimbali za uongozi kama zilivyobainishwa katika katiba ya klabu. 

BAADHI YA WANABIAFRA WAKIWA KLABUNI KWA AJILI YA UCHAGUZI MKUU SEPTEMBA 16, 2012

 

 

 

 

 

 

 

 

 

 

Wagombea wa nafasi mbalimbali wakisubiri kuanza kwa zoezi la uchaguzi kutoka kushoto ni Ibrahim Kilasa, Freddy Mwesigwa (wagombea nafasi ya Kamati ya Uchumi na Mipango), na Abdul Mollel (mgombea nafasi ya Mwenyekiti)

Bi. Jacqueline Barozi (mgombea nafasi ya Makamu M/Kiti) akiwa na Mustafa Muro (mgombea Kamati ya Nidhamu na Rufaa

Nancy Raphael (mgombea kamati ya Ufundi) katikati akiwa na wagombea wenza Mossi Saidi (kushoto) na Boniface Banga (kulia)

 UCHAGUZI huo pia ulihudhuriwa na klabu rafiki za Namanga na Kunduchi kwanza ambapo wanachama toka klabu hizo walijumuika kwa pamoja na Wanabiafra katika kuhakikisha zoezi hilo la uchaguzi linafanikiwa. Wakiongozwa na Mwenyekiti wao Bi. Asia Mohamed, Wanakunduchi Kwanza waliwasili katika makao maku ya klabu ya Biafra majira ya saa nne asubuhi na muda mfupi baadae wanachama wa Namanga Sports Club nao waliwasili eneo hilo.

Mwenyekiti wa Kunchi Kwanza Jogging (wa kwanza kushoto) akiteta jambo na baadhi ya Wanakunduchi Kwanza

John Gako kutoka Namanga akiomba utaratibu toka kwa 'floor manager' wa shughuli Bi. Magreth Warisanga (aliyesimama)

VIONGOZI kutoka idara ya Michezo Manispaa ya Kinondoni waliwasili ukumbini hapo majira ya saa sita mchana na mara baada ya kupokelewa na kutoa salam zao za uchaguzi, moja kwa moja walitoa mwongozo wa namna zoezi zima la uchaguzi litakavyofanyika baada ya kuridhika na maandalizi ya uchaguzi wenyewe. 

Mr. Mrimi kutoka idara ya Michezo Manispaa ya Kinondoni (Katikati) akiteta jambo na Mwenyekiti wa Serikali ya Mtaa wa Balozi Msolomi, Isere, Mwinyimadi Tambaza (kushoto) msimamizi wa soka kwa watoto wadogo KIDYOSA

Wasimamizi wa uchaguzi wakifuatalia kwa makini maelezo ya mgombea (haonekani pichani)

MARA baada ya kukamilika kwa zoezi la kujieleza, wanachama walianza moja kwa moja zoezi la upigaji kura ambapo baada ya kukamilika kwa zoezi hilo wagombea wa nafasi za juu za klabu walipendekeza mawakala wao katika zoezi la kuhesabu kura.

Mawakala wa wagombea pamoja na wasimamizi wa uchaguzi wakiwa katika zoezi la kuhesabu kura

Zoezi la kuhesabu kura likiendelea

zoezi la kuhesabu kura likiendelea

Wagombea wa nafasi ya Mwenyekiti na Makamu wake pamoja na wagombea wengine wakisubiri kwa hamu matokeo ya uchaguzi

Wagombea wa nafasi ya Kamati ya Ufundi wakisikiliza matokeo ya uchaguzi kwa hamu

ZOEZI la kuhesabu kura ambalo lilidumu kwa takriban masaa mawili lilikamilika na hatimaye msimamizi mkuu wa uchaguzi pamoja na jopo lake walirejea katika ukumbi wa mkutano na moja kwa moja kuanza kutangaza matokeo ya uchaguzi kwa kuanzia na wateule wa kamati za Ufundi, Uchumi na Mipango, Nidhamu na Rufaa na kisha Kamati ya utendaji, Mweka Hazina, Katibu Msaidizi, Katibu Mkuu, Makamau Mwenyekiti pamoja na Mwenyekiti. 

WASHINDI - KAMATI YA UCHUMI NA MIPANGO

AKIPONGEZWA KWA USHINDI WA NAFASI YA MWENYEKITI NDUGU ABDUL MOLLEL (KATIKATI)

WASHINDI WA NAFASI MBALIMBALI WAKIONGOZWA NA VIONGOZI WAKUU

MWENYEKITI MTEULE WA BIAFRA SPORTS CLUB, ABDUL MOLLEL AKITOA SHUKRANI KWA NIABA YA VIONGOZI WATEULE KWA WANACHAMA, WADAU NA MASHABIKI KWA KUFANIKISHA ZOEZI LA UCHAGUZI

MAKAMU MWENYEKITI MTEULE AKITETA JAMBO NA KATIBU MKUU MTEULE

MWINYIMADI TAMBAZA AKSISITIZA UMUHIMU WA KUIENZI TIMU YA WATOTO WA BIFRA KIDS

SHUGHULI ya uchaguzi ilikamilika majira ya saa moja jioni ambapo washindi pamoja na wanachama na wadau wengine wote walijumuika kwa burudani mbalimbali zilizotolewa ili kukamilisha siku hiyo maalum.

TUNAWAPONGEZA SANA VIONGOZI WOTE WALIOSHINDA PAMOJA NA WANACHAMA WOTE WA BIAFRA SPORTS CLUB, USHINDI WENU UWE CHACHU YA KULETA MAENDELEO YA KLABU NA MICHEZO KWA UJUMLA!

 

 

WANACHAMA WATOTO WA BIAFRA WANG'ARA NDANI YA UZI MPYA

Katika hatua za kwapendezesha wanachama wa Biafra wenye umri mdogo, uongozi wa klabu, kwa kushirikiana na wanachama wake wote umegawa sare za mazoezi kwa wanachama wake wenye umri mdogo ambao hushiriki mazoezi ya kila Jumapili. 

 

Watoto wa Biafra ndani ya sare mpya

Shukrani zimwendee mjumbe wa Kamati ya Utendaji ya klabu mheshimiwa Henry Maseko kwa kuweza kufanikisha upatikanaji wa sare hizo.

BIAFRA SPORTS CLUB YAWATAKIA WAISLAM WOTE HERI YA MFUNGO WA RAMADHANI

Kwa niaba ya wanachama, wadau na mashabiki wa Biafra, mwenyekiti wa klabu hiyo ndugu Abdul Ahmad Mollel amewatakia waisalamu nchini na duniani kwa ujumla heri ya mwezi mtukufu wa Ramadhan ambao unatarajiwa kuanza Ijumaa tarehe 20 Julai, 2012. Pia alitumia fursa hiyo kuwaasa watu wote wanaoshiriki mfungo wa Ramadhan na wasioshiriki pia kutumia kipindi hiki katika kutenda yale yote mema ambayo yatupasa kutenda ikiwemo kufanya ibada, kutoa sadaka, kuwajali wasio na uwezo hasa yatima na wajane.

Baadhi ya watoto kutoka katika kituo cha Hananasif

Kwa wanabiafra, mwenyekiti aliwakumbusha kuwa wakati wa Ramadhan wanachama wataendelea na mazoezi kwa wale wenye kupenda kwa kuwa kufanya mazoezi ni jambo muhimu katika kujenga afya za watu. Hivyo basi, alitoa rai kwa wanachama wote ambao wangependa kufanya mazoezi wanakaribishwa.

Baadhi ya wachezaji wa Biafra Kids wakijipatia mlo wa Idd pamoja na watoto wanaoishi katika mazingira magumu 2011

KATIBU WA KAMATI YA UFUNDI YA BIAFRA AFUNGA NDOA!!!

Siku jumamosi tarehe 14 Julai, 2012 ilikuwa ni siku ya furaha sana kwa mwanabiafra Ally Juma ambaye ni katibu wa Kamati ya Ufundi ya klabu hiyo baada ya kufunga ndoa na Bi Zahra Iddi. Ndoa hiyo ilifungwa nyumbani kwa familia ya bi harusi Tegeta Msikitini na sherehe iliyofana kufanyika katika ukumbi wa 90 Degrees Pub ambako ni makao makuu ya klabu ya michezo ya Biafra.

Bwana na Bi harusi baada ya kuingia ukumbini wakiwa pamoja na wapambe wao

Baadhi ya wanabiafra wakiongozwa na makamu mwenyekiti Jackline Barozi (mwenye gauni jeusi)

Katibu wa Biafra Kaka Poli akiwakaribisha wageni ukumbini pembeni ni MC wa sherehe hiyo

Bwana harusi ambaye ni katibu wa kamati ya ufundi ya klabu akimtambulisha Mwenyekiti wa Kamati hiyo ndugu Michael Silili 

Maharusi wakilishana keki 

Mwenyekiti wa Biafra Abdul A. Mollel akila keki kwa niaba ya klabu 

Wanabiafra wakijadiliana

Wanabiafra waliohudhuria sherehe hiyo wakiongozwa na Katibu Kaka Poli

Baadhi ya wageni waalikwa

Kwa niaba ya wanachama, viongozi, mashabiki na wadau wote, klabu inatoa pongezi za dhati kwa maharusi na kuwaoombea mwenyezimungu aibariki ndoa yao.

BIAFRA DAY 2012 YASOGEZWA HADI SEPTEMBA KUPISHA ZOEZI LA SENSA YA WATU

Katibu Mkuu wa klabu ya michezo ya Biafra ndugu Yahya Poli ameutangazia umma kwamba BIAFRA DAY 2012 ambayo awali ilipangwa kufanyika tarehe 26 Agosti, 2012 sasa imesogezwa mbele hadi tarehe 2 Septemba, 2012. Kusogezwa huko mbele kwa juma moja kumetokana na siku ya awali tarehe 26 Agosti, 2012 itakuwa ni siku maalum ya Sensa ya watu na makazi nchini Tanzania.

Wanabiafra wakikatiza eneo la daraja la salender wakiwa kwenye mazoezi ya mbio za polepole

Akielezea zaidi, ndugu Poli alitanabaisha kwamba mipango ya kufanikisha BIAFRA DAY 2012 bado inaendelea na kuwakaribisha wadau wote ambao wangependa kushiriki siku hiyo kwa ufadhili na udhamini wasisite kuwasiliana na viongozi wa klabu kwa kuwa fursa bado ipo. Pia alitoa msisitizo kwa kamati zote za klabu kukutana kwa ajili ya kuendelea na maandalizi ya BIAFRA DAY, 2012. 

BIAFRA DAY 2011 - Wanabiafra wakishindana kuvuta kamba



  

BIAFRA DAY 2012 YAPANGWA KUFANYIKA MWEZI WA NANE

Kama ilivyo ada, kila mwaka tangu kuanzishwa kwake, klabu ya michezo ya Biafra hutenga siku maalum ambayo hujulikana kama BIAFRA DAY kwa ajili ya kujumuika pamoja na wadau wake wote kwa ajili ya michezo na shughuli nyingine mbalimbali. Mwaka huu 2012,  BIAFRA DAY imepangwa kufanyika mwishoni mwa mwezi Agosti katika viwanja vya Biafra, Kinondoni Dar es Salaam.

Wanabiafra katika picha ya pamoja ndani ya DarLive Mbagala

BIAFRA DAY 2012 itaanza rasmi saa kumi na mbili asubuhi na kumalizika saa moja usiku ambapo wanamichezo na wadau wengine wote watajumuika pamoja kwa mbio za pole pole jogging ambaazo zitaanzia katika viwanja vya Biafra na kuzunguka maeneo mbalimbali ya Kinondoni na hatimaye kumalizikia katika viwanja vya biafra. Akizungumzia matukio yatayofanyika siku hiyo, Katibu wa klabu ya Biafra alitanabaisha kwamba, mwaka huu Biafra Day inatarajiwa kuwa tofauti kwa kuongeza masuala mbalimbali kama vile huduma za upimaji wa virusi vya UKIMWI, kisukari, kansa, n.k. Michezo ya mpira wa miguu, mpira wa pete, kuvuta kamba, kukimbia na guni, kurusha mshale nayo pia itachezwa.

Wanabiafra wakishusha kilima cha Mbagala kuelekea Zakheem

Mwenyekiti wa klabu ya Biafra, Abdul Mollel akizungumzia maandalizi ya siku hiyo alitanabaisha kwamba, maandalizi yanaendelea, wanachama wamekuwa wakikutana mara mara katika kuhakikisha siku hiyo inafanyika kwa kadri ilivyopangwa.

Pia alitanabaisha kwamba, fursa ya kudhamini BIAFRA DAY 2012 ipo kwa  kampuni, mashirika au mtu binafsi hivyo aliwaomba wadau wote kujitokeza kwa wingi katika kuidhamini siku hiyo.

Baadhi ya washiriki wakielekea katika viwanja vya Biafra - BIAFRA DAY 2011

BIAFRA DAY 2011 - washiriki wakijiandaa kuanza mashindano ya mbio mita 100

KWA UDHAMINI:

WASILIANA NA:

0717 375375 (MWENYEKITI)

0719 947700 (MWEKA HAZINA)

0715 253 653 (KATIBU MKUU)

AU TUANDIKIE BARUA PEPE:

biafra.jsclub@gmail.com



TANZIA: MWANABIAFRA ASHA YUSUF AFIWA NA BABA YAKE MZAZI LEO TAREHE 5 JULAI, 2012

Klabu ya michezo ya Biafra, kwa masikitiko makubwa inapenda kuwatangazia wanachama, wadau, mashabiki na wapenda michezo kwa ujumla kwamba mwanachama mwenzao ASHA YUSUPH (pichani chini) amefiwa na BABA YAKE MZAZI asubuhi ya leo tarehe 5 Julai, 2012 katika hospitali ya Mwananyamala.

ASHA YUSUPH (WA KWANZA KUSHOTO) AKIWA NA EDITHA TUNGARAZA NA NANCY RUPIA

Akizungumza na Katibu wa Biafra, Asha aliwaarifu wadau wote kwamba, msiba utakuwa nyumbani kwa marehemu Kinondoni Shamba na mazishi yatafanyika kesho jioni huko shambani kwa marehemu Kongowe (mbagala) Dar es Salaam.

Asha Yusuf (wa tano toka kushoto waliosimama mstari wa mbele) akiwa katika picha ya pamoja na Wanabiafra

Kwa niaba ya wanachama na wadau wote wa Biafra, mwenyekiti anatoa pole kwa mwanachama mwenzetu pamoja na ndugu, jamaa na rafiki zake kwa msiba huo na pia kuwaomba Wanabiafra wote kumfariji mwanachama mwenzao. Kwa mawasiliano, namba ya Asha Yusuph ni 0659327117.

Inna Lillahi - Wa Inna Ilaihi Raaji'un, Bwana Ametoa, Bwana Ametwaa; Jina lake Lihimidiwe.